
Bi hezaran ji Bakirkoyê bang kirin: Em jiyaneke mirovanê dixwazin 

2019-12-08 16:15:13


	STENBOL - Hêzên Ked û Demokrasiyê yên Stenbolê, li Qada Bakırkoyê, bi şîara “Em Jiyaneke Mirovane Dixwazin” mîtîng li dar xist û bi hezaran kes beşdar bûn.&nbsp;

	&nbsp;

	Hêzên Ked û Demokrasiyê yên li Stenbolê, li qada Bazarê ya Bakirkoyê, bi şîara “Em Jiyaneke Mirovane Dixwazin” mîtîng li dar xist û bi hezaran kes beşdar bûn. Endam û rêveberên DÎSK, KESK, TTB, Tum-Emekdar-Sen, Komelya Piştevaniya Karkeran a Navneteweyî, TMMOB, Malên Gel, Partiya Karkerên Şoreşger (DÎP), Partiya Kedê (EMEP), Kongreya Demokratîk a Gelan (HDK), Partiya Demokratîk a Gelan (HDP), parlamenterên HDP û CHP’ê, gelek saziyên jinan û bihezaran kes bi heman daxwazê beşdarî mîtingê bûn.&nbsp;

	&nbsp;

	Polîsan qada mîtîngê kirin dorpêçê û kesên beşdarî mîtîngê bûn, di 3 cihên lêgerînê yên cuda re bas bûn. &nbsp;

	&nbsp;

	BI HEZARAN KES JI BO DAXWAZÊN XWE HERIKÎN QADA MÎTÎNGÊ’

	&nbsp;

	Komên ku li Îstasyona Metro ya Bakirkoyê û Îstasyona Metrobus a Bakirkoyê kom bûn, ber bi qada mîtîngê ve dest bi meşê kirin. Di meşê de, pankarta û dowîzên “Em ê teslîmê xizantî û feqirtiyê nebin”, “Karê bi ewlehî û jiyana bi ewle”, “Ji bo gel butçe, Tirkiyeya demokrayîk” û “em ê &nbsp;li dijî krîzê bi hevre têbikoşin”, “Ne ji bo şer, ji bo perwerdê butçe”, “Bila cînayetên kar bi dawî bibin”, “Ji bo EYT’an qanûnê derbixin” û “Em Tirkiyeyek bêkedxwarî, bêqesir, bêqeyûm, azad û wekhev dixwazin” hatin vekirin.&nbsp;

	Di meşê de tim dirûşmeyên “Ne ji bo şer, ji bo perwerdê butçe”, “Em jiyaneke mirovane dixwazin”, “Girtiyên siyasî rûmet me ne”, “Ji tecrîdê re êdî bese” û “Bila polîtîkayên qeyûm bidawî bibin” hatin berzkirin.

	&nbsp;

	QEYÛM ŞERMEZAR KIRIN

	&nbsp;

	Balkêş bû ku herî zêde jin û ciwan beşdarî kortejan bibûn. Bi sedan jin rûyên xwe boyax dan û bal kişandin ser cînayên jinan. Jinan di kortajê de li ber dahol û zirnê guvend gerandin. Di korteja HDP’ê de, pankartên li dijî tayînkirina qeyûman û polîtîkayên şer hatin vekirin û dirûşme hatin berzkirin. Bi armanca şermezarkirina êrîşên li dijî Bakur û Rojhilatê Sûriyeyê bi navber dirûşmeyên “Bijî berxwedana Rojava” û ji bo Rêberê PKK’ê Abdullah Ocalan hatin berzkirin.&nbsp;

	&nbsp;

	Ciwanê bi navê Sabrî Işik ê di kortejê de, dema xwest derbasî qadê bibe ji aliyê polîsan ve hat binçavkirin.&nbsp;

	Bi hezaran kesên ku ketin qada mîtîngê, li ber stranan guvend gerandin.

	&nbsp;