
‘Bila karkerên Balafirgeha 3’yemîn bên bardan’

2018-10-08 14:16:37


	&nbsp;

	STENBOL / ENQERE – Seroka Giştî ya DÎSK’ê Arzû Çerkeoglu, bertek nîşanî girtina Serokê Giştî yê Dev Yapi-Îş Ozgur Karabulut û hemû karkerên înşaetê da û got: “Bersûcên rastîn kesên çavên xwe ji cînayetên karkeran digirin e." Li Enqerê jî, bi heman armancê daxuyanî hat dayîn û girtina karkeran hat şermezarkirin. &nbsp;

	&nbsp;

	Konfederasyona Sendîkariyên Karkerên Şoreşger (DÎSK), bi armanca serbest berdana Serokê Giştî yê Dev Yapi-Îş Ozgur Karabulut û hemû karkerên înşaetê yên girtî, li ber Midûriyeta ÎŞKÛR’ê ya Tophaneya Stenbolê daxuyanî da çapemeniyê. Di daxuyaniyê de pankarta “Mafê xwe yê jiyanê û xebatê paratin ne sûce, bila Serokê Giştî yê Dev Yapi-Îş Ozgur Karabulut û hemû karkerên înşaetê yên girtî bên berdana” hat vekirin. Di çalakiyê de bê navber dirûşmên “Karkerên balafirgehê ne bi tenê ne” û “Bila karkerên girtî bên berdan” hatin berzkirin. Parlamenterên HDP’ê Serpîl Kemalbay, Oya Ersoy, Parlamenterên CHP’ê Emîne Gulîzar Emecan, Gokhan Zeybek û ji rêxistinên demokratîk gelek kes beşdarî daxuyaniyê bûn.&nbsp;

	&nbsp;

	Seroka Giştî ya DÎSK’ê Arzû Çarkezoglu daxuyanî da çapemeniyê û wiha axivî: “Karkerên di şantiya Balafirgeha 3’yemîn a Stenbolê de weke koleyan dihatin xebitandin, ji ber ku şert û mercên xebatê şermezar kiririn hatin binçavkirin. Heya niha 35 karker hatin girtin. Dinava kesên hatin girtin de &nbsp;Serokê Giştî yê Dev Yapi-Îş Ozgur Karabulut jî heye. Karabulut, li dijî karkerên di cînayetên kar de hatin qetilkirin, muçeyên wan nedihat dayîn û parastina mafê karkerên Balafirgeha 3’yemîn têdikoşiya. &nbsp;Wî bi awayekê giştî erka xwe bi cih dianî. Ev peywira serokekê giştî yê sendîkayekê ne sûce.” &nbsp;

	&nbsp;

	‘DIVÊ DERBARÊ KARDÊRAN DE LÊPIRSÎNEK BI BANDOR BÊ BIRÊVE BIRIN’

	&nbsp;

	Çerkezoglu, di dawiya axaftina xwe de wiha got: “Êrîşa li ser karkeran, di heman demê de &nbsp;li ser hemû cîna karkerane. Divê ne karker, kesên wan weke koleyan didin xebitandin bên girtin û ceza kirin. Pêwîste daxwazên karkeran bên bi cih anîn û derbarê kardêrên wan weke koleyan didin xebitandin de lêpirsînek bi bandor bê birêve birin.”

	&nbsp;

	Piştî axaftina Çerkezoglu daxuyanî bi dawî bû.&nbsp;

	&nbsp;

	ENQERE&nbsp;

	&nbsp;

	Li Enqereyê jî, girtina Serokê Giştî yê Dev Yapi-Îş Ozgur Karabulut û karkerên înşaetê yên Bafirgeha 3’yemîn li ber peykerê Neteweyî bi daxuyaniyêkê hat şermezarkirin. Parlamenterê HDP’ê yê Edeneyê Kemal Pekoz, Parlamenterê CHP’ê yê Îzmîrê Kanî Beko, Hevserokên KESK’ê Aysûn Gezer û Mehmet Bozgeyîk, gelek nûnerên rêxistinên kedê û pîşeyî beşdarî daxuyaniyê bûn.&nbsp;

	&nbsp;

	Nûnerê DÎSK’ê yê Herêma Enqerê Taygûn Gorgun, destpêkê daxuyanî da û xwest Ozgur karabulut û hemû karkerên girtî yên Balafirgeha 3’yemîn bên berdan.&nbsp;

	&nbsp;

	‘KESÊN DIVÊ BÊN GIRTIN TAŞERON IN’

	&nbsp;

	Dûre parlamentere CHP’ê Kanî Beko axivî û wiha got: “Kesên divê bên girtin, taşeronin. Di serdema AKP’ê de nêzî 25 hezar karkeran jiyan xwe ji dest dan. Di karê cînayetên karkeran de Tirkiye di rêza 3’yemîn dehey û Awropa jî di rêza yekemîn deye. Êdî ev rastî baş tê zanîn.&nbsp;

	&nbsp;