
Bazirganiya derve lê kêmiyê da û TUÎK’ê nekarî veşêre: Ji sedî 137 zêde bû

2023-01-31 12:12:37


	&nbsp;

	ENQERE - Bazirganiya derve ya Tirkiyeyê ji sedî 137 li kêmiyê da û bû 109 milyar dolar.&nbsp;

	&nbsp;

	Saziya Îstatîstîkê ya Tirkiyeyê (TUÎK), îstatîstîkên bazirganiya derve ya meha kanûnê parve kir. Li gorî daneyan, îxracat li gorî par ji sedî 3 zêde bûye û bûye 22 milyar û 910 milyon dolar. Her wiha îthalat jî ji sedî 12,2 zêde bûye û bûye 32 milyar û 612 milyon dolar.&nbsp;

	&nbsp;

	HEM ÎXRACAT HEM JÎ ÎTHALAT ZÊDE BÛ

	&nbsp;

	Li gorî pergala bazirganiya giştî; îxracata sala 2022’yan li gorî heman serdema salek berê ji sedî 12,9 zêde bû û bû 254 milyar û 172 milyon dolar. Her wiha îthalat jî ji sedî 34 zêde bû û bû 363 milyar û 711 milyon dolar.&nbsp;

	&nbsp;

	Bazirganiya derve di meha kanûnê de li gorî heman meha salek berê ji sedî 42 zêde bû û ji 6 milyar û 832 milyon dolaran derket 9 milyar û 701 milyon dolaran. Di meha kanûna sala 2021’an de îxracatê ji sedî 76,5’î îthalatê pêşwazî dikir lê di meha kanûna 2022’yan de ev rêjeye daket ji sedî 70,3’yan.&nbsp;

	&nbsp;

	JI 46 MILYAR DOLARAN DERKET 109 MILYAR DOLARAN

	&nbsp;

	Di serdema çile-kanûnê de bazirganiya derve ji sedî 137 li kêmiyê da û ji 46 milyar û 211 milyon dolaran derket 109 milyar û 539 milyon dolaran. Di mehên çile-kanûna 2021’an de îxracatê ji sedî 83’yî îthalatê pêşwazî kir lê ev rêjeye di heman mehên sala 2022’yan de daket ji sedî 69,9’an.&nbsp;

	&nbsp;

	Ji bilî berhemên enerjiyê û zêrê ku ne pere, di meha kanûna 2022’yan de îxracat ji sedî 2,7 zêde bû û ji 20 milyar û 875 milyon dolaran derket 21 milyar û 437 milyon dolaran. Di heman mehê de ji bilî berhemên enerjiyê û zêrê nepere, îthalat jî ji sedî 0,5 zêde bû û ji 21 milyar û 591 milyon dolaran derket 21 milyar û 704 milyon dolaran.&nbsp;

	&nbsp;

	KÊMANIYA DI BAZIRGANIYA DERVE DE

	&nbsp;

	Berhemên enerjiyê û zêrê nepere ne di nav de, di meha kanûnê de îxracat derket 267 milyon dolaran. Qebareya bazirganiya derve ji sedî 1,6 zêde bû û 43 milyar û 142 milyon dolar. Di meha behsa xeberê de berhemên enerjî û zêrê nepere ne di nav de, îxracatê ji sedî 98,8 î îthalatê pêşwazî kir.&nbsp;

	&nbsp;

	Di heman demê de dewleta herî zêde îxracat kirî bû Almanya û ya herî zêde îthalat kirî jî bû Rûsya.&nbsp;

	&nbsp;